“Si vuò sapè ‘a verità
m’ hê ‘a fà parlà”.
Dicette Nannina ntrìchete ‘e te
mentre parlava c’’a figlia ‘e Bebbè.
“Nun è overo ca Rituccia
mo se sposa cu Carluccio:
chella pazza scatenata
l’hanno vista int’â ‘nfrascata
‘nfacci’ô muro ‘nzieme â n’ato!”
Ma ‘na zia ‘e ‘stu Carluccio,
ch’era ‘ntiso tutto ‘o stralcio,
rispunnette: “Né Nannì!
Tu cu chesto che vuo’ dì?
Ca nepoteme carnale
ha miso ‘a capa int’ô rinale?
Chill’isso l’ha lassata
a chella ‘nfrancesata.
Pecchè nepoteme Carluccio,
cu l’amico suoje…Pauluccio,
hanno visto a ‘sta Rituccia…
dint’â stalla…cu ‘nu ciuccio!”
Carmine Barretta
Nessun commento:
Posta un commento